Iago Varela Martínez

Hoxe descubrín unha ferramenta realmente útil para compartir de forma sinxela os contidos que publico no meu blogue e, asimesmo, os que se publican no de Galiza Nova de Cabanas.

Trátase de AddThis (www.addthis.com), unha páxina na que só temos que seleccionar o servizo que queremos (páxina web, Blogger, WordPress, Myspace), o tipo de botón e se desexamos ter as analíticas de uso... no caso de que non queiramos, xa pouco queda que facer!

Copiamos o código onde nos din (ollo, no Blogger é preciso ter activados os "artiluxios") e xa está! Automáticamente aparece en cada entrada do blogue (como podedes ver) a opción de compartir, que inclúe dende as principais redes sociais, como Facebook ou Delicious, así como tamén a posibilidade de enviar a nova por correo electrónico.

Agardo que vos resulte de interese esta novidade ;)