Adeus 2009, benvido 2010
Hoxe dicimos adeus ao 2009, un ano que remata coma todos: coa sensación de que pasou axiña e de que houbo moitas cousas boas e outras moitas mellorábeis.
Non pretendo con esta anotación facer unha listaxe de todas esas cousas, nin moito menos, xa que sen que o puidera evitar, sempre habería algún feito que ficase no esquecemento temporal, non por menos importante, senón porque non se pode ter todos os datos á
![](https://blogger.googleusercontent.com/img/b/R29vZ2xl/AVvXsEh6w48icaHx4kXwUwh6N7NaLxKOSPLAgpDaMcNkUF0QeDnNT9gClQDhbCnTPJLYUFzu-CdljnDEBfPcc2xvYgvo_25GwLIrnFTbnJBugLu-5VVbhiGswa6dEKbHSyqQ7BIiu9l5niy_y-oN/s200/conce2.jpg)
Os primeiros días do 2009 foron protagonizados or unha tristura compartida co pobo Palestiniano ante os reiterados bombardeos de Israel que deixaron centenares de mortos inocentes.
![](https://blogger.googleusercontent.com/img/b/R29vZ2xl/AVvXsEjHT7jF4n2mnxhg4MTEezWeGDGl8mE1jH6OqSnGT7z9jrGIt_f2BuO8mNgXHDIB5iqss012QU4raEenMStEV2bEoJHYwqR41hu0bX4g6szUYOGkzk4qmkUm6WxtDNPHzs-GOgYTEwPErcs4/s200/ACorunaCandidatura.jpg)
Febreiro viu marcado pola cita electoral do 1 de marzo, que condicionou totalmente a actividade e roubou un gran número de horas que doutro xeito estarían adicadas ao lecer. Mais, maila os resultados finais, coido que o esforzo pagou a pena. Agora estamos a ver as consecuencias de todo o que pasou a partires desa data.
En abril, concretamente durante a semana santa, chegou a primeira escapada. Tras as dúas experiencias anteriores a través de e
Pero nesa semana santa tamén houbo tempo para o sendeirismo polas Fragas do Eume, ese espazo natural que teño a escasos minutos da casa e que sempre me descubre novas paraxes e lugares dunha beleza superlativa.
Maio resúmese cunha palabra: SORPRESA. A que argallou Carmen polo meu aniversario. Canto esforzo e traballo detrás! E que felicidade descubrir o enredo, a verdade un dos momentos máis especiais do ano.
Maio foi tamén mes de graduacións, experiencias festivas pola cidade de A Coruña, e preámbulo do xuño de exames.
En xullo chegou a ansiada viaxe a Catalunya que durante tanto e tanto tempo organizamos. Unha viaxe que quedará na lembranza polo ben que o pasamos primeiro por Port Aventura e logo en Barcelona. Mais tamén quedará no recordo polos infinitas xornadas maratonianas que nos marcamos para ver o imposíbel nos días pola capital catalá :)
Quizáis un dos momentos máis emocionantes da estancia - logo da experiencia acelerativa do Furious Baco - fose a viaxe en helicóptero sobrevoando a cidade. 10 minutos dunhas vistas xeniais.
Logo virían xornadas festivas en Galiza, como o Festigal ou diferentes noites de sábado...
Setembro trouxo a visita da familia catalá e, con ela, o discubrimento de zonas de interese da comarca, como a fervenza do Belelle, que xa comentaba neste blogue.
O outono estivo marcado por unha viaxe a Picos de Europa, á zona de Potes, onde fixemos unha rota de sendeirismo máis que aconsellábel por fermosura e dificultade moderada.
Pero tamén, a chegada do novo curso trouxo consigo un paso máis en convivencia, repetíronse ceas con amigas e amigos, festas varias, algún que outro concerto... neste sentido, o Porrón foi un dos lugares emblemáticos das noites viguesas...
En definitiva, o 2009 estivo pragado de bos momentos, de descubrimentos de xente e afianzamento de novas amizades. De sorpresas, de novidades no xeito de vida, ... en fin, de centos e centos de cousas que desexaría non remataran nunca.
O 2010 apreséntase nesa mesma liña. Como obxetivos a seguir márcome, alén dos académicos, continuar afondando no camiño aberto no 2009, metendo os céntimos na caixa do 'diñeiro negro', planificando roteiros por toda Galiza para coñecer a fondo os nosos espazos naturais, potenciando Mallando, relendo O Señor dos Aneis, seguir afianzando amizades, descubrir novos intereses... e un longo etcétera.
Amigas, amigos... que os vosos propósitos para o 2010 se fagan realidade. Sede felices e bo aninovo.
Cantos recordos achégame a tua entrada amor.
Non sería capaz de facer unha recopilación tan boa coma a túa! Xenial.