Expandir contido

Así nos ve España

Onte xa flipei co titular con que 'Libertad Digital' falaba da histórica manifestación que houbo onte en Santiago de Compostela para tratar de parar o Decretazo trilingüe de Feijóo: El BNG amedrenta alumnos y profesores para que vayan a una huelga antiespañol.

Pensei que o xornalismo rancio e noxento da dereita española non podía ir a máis. Pero non, estaba errado. Hoxe La Razón ten unha portada das que tamén fan historia: "Conjuro contra el castellano en Galicia"
Que fermosura! Que profesionalidade! Iso foi o máis representativo da manifestación de onte! Por certo, dende Queremos Galego xa se anunciou onte que os imbéciles que onte queimaron unha bandeira (actos que aproveitan os carroñeiros do PP) non están relacionados coa Plataforma, senón que se tratou dun acto totalmente alleo e lamentábel.

En fin, eu prefiro quedarme coa capa a dobre páxina de Xornal. E é que unha imaxe descritiva vale máis ca mil palabras

2 Responses so far.

  1. Roberto says:

    Hombre claro, cada uno se va al periodico que mejro le cobija, no te digo...

  2. Denébola says:

    O xornalismo ten a capacidade de manipular a información, xa non digo a verdade que é moi distinta, con lexitimidade, segundo quen a mire.

    Os xornalistas manipulan a información segundo lles conveña e por iso clasificamos constantemente aos xornais: de dereitas, de esquerdas.

    E é que non é o mesmo poñer en portada unha foto da queima da bandeira, que a Catedral a dobre páxina, nin o Obradoiro medio cheo ou a reventar, non é o mesmo poñer o titular sen foto que con ela, nin arriba ou enbaixo da páxina... todo está moi estudado.

    É política, pero da sucia, non aquela do 'politicon anzropon zoon'.