Iago Varela Martínez

Hai menos dun ano, organizabamos dende os Comités de Vigo as Xeiras sobre a Lingua Galega, unhas xornadas coas que se creou un espazo dentro da Universidade de Vigo onde poder debater sobre a situación da lingua galega.

Hai que recoñecer que ditas xornadas foron todo un éxito, o que nos levou a facer o esforzo de organizar a segunda edición das mesmas. Despois dalgún tempo de contactos e confirmacións con diferentes persoeiros, ao fin onte puidemos presentar o programa definitivo, así como tamén a imaxe que acompañará a campaña de difusión [nova no DUVI].

A min, persoalmente, parécenme unhas xornadas moi interesantes e non mas perdería. Podedes consultar o programa e, se o desexades, apuntarvos de balde, nesta ligazón.