Iago Varela Martínez

Hai uns días falábavos nunha entrada anterior dunha web na que, situándose nun mapa asistido por Google Maps, podíase analizar que antenas e de que compañías nos dá cobertura, ferramenta que creo pode ser bastante interesante á hora de elixir a nosa compañía de móbil tendo en conta os lugares nos que nos movemos habitualmente.

Posteriormente a escribir esa referencia no meu blogue, descubrin a aplicación Antennas para Android, que instalei no Nexus e andiven probando estes días. A ferramenda indica e xeolocaliza as antenas arredor, tamén grazas a GMaps, e indica factores como o tipo de sinal e a súa forza. Como punto negativo, hai que dicir que consume bastante batería, se ben é certo que usado puntualmente non se nota ese consumo non habitual.

Prezo: de balde

[Descarga Antennas para Android]: Se tes unha aplicación de lectura de códigos QR (Barcode Scanner, dispoñíbel de balde en Android Market), achega a cámara do teu móbil ao código seguinte para baixar Antennas