Hoxe asistín ao directo que fixeron os do programa Anda Ya (Los40 Principales) no Campus de Vigo. Maila non ser oínte do programa, cando me enterei do evento quixen asistir, xa que lembrei o ben que o pasara cando fora ver Hoy por hoy, tamén en Vigo, e El Larguero, en A Coruña.
Baixo o nome de Chámate con xeito a Área de Normalización Lingüística da Universidade de Vigo está a desenrolar unha campaña que ten como obxetivo "suscitar unha reflexión entre a comunidade universitaria acerca de como nos chamamos, de como nos chamaron e de como deberan ser os nosos nomes en galego e en castelán".
Seguramente hoxe en día pouca xente que ao oír falar do Finis Terrae pense só na fermosura da Costa da Morte. E é que baixo ese nome se atopa tamén o supercomputador con base no Centro de Supercomputación de Galiza (Cesga), que sitúa ao noso país no máis punteiro da supercomputación.
E digo isto, porque o FinisTerrae, con tan só dous meses de funcionamento ben de lograr un novo record mundial, ao resolver un problema electromagnético de 150 millóns de incógnitas que será de utilidade para a medicina e para a construcción de avións, froito dunha investigación da Universidade de Vigo xunto á Universidad de Extremadura.
O record anterior o tiña un grupo turco, ao conseguir resolver un problema de 85 millóns de incógnitas, e o próximo reto que se lle plantexará ao supercomputador galego será tratar de resolver 250 millóns de incógnitas no próximo inverno.
Segundo comentou Fernando Obelleiro, da ETSE de Telecomunicación da Universidade de Vigo, a resolución de problemas electromagnéticos pódense aplicar no deseño de grandes estructuras dotadas de sistemas de radio coma barcos, avións e vehículos terrestres.
Así que dende aquí, darlles os meus parabéns a todas/os que traballan neste e noutros proxectos que sitúen a Galiza no máis punteiro.
Os Comités da Universidade de Vigo consolídanse unha vez máis como a forza con maior apoio das/os estudantes da para representalos no Claustro.
Así, tra-las eleccións celebradas o 20 de maio, os Comités fanse con 12 representantes, fronte a 6 de Opico, 5 de Delegación Industriais (DAI), 4 de Innova, 3 de Delegación Teleco (DAAT), 2 de Candidatura de Estudantes de Esquerda, 1 de XEO, 1 de Iesga e 18 que se presentaron de forma independente.
Refléxase así a confianza do estudantado por un ensino público, galego, democrático e de calidade.
Chegou o momento. O 20 de maio celébranse na Universidade de Vigo eleccións a representantes de alumnos no Claustro Universitario.
Os Comités Abertos de Escola e Facultade da Facultade de Ciencias Sociais e da Comunicación do Campus de Pontevedra veñen de organizar as II Xornadas da Curtametraxe Galega, CurtasGZ, que terá lugar entre os días 5 e 6 de maio.
Ademais, tense solicitado 1 crédito de libre elección, válido para as/os estudantes da Universidade de Vigo. A matrícula é de balde, e pódelo facer dende aquí {matricularse}
