Expandir contido

Nace a iagoTV!

Hoxe quero presentarvos un novo proxecto, a IagoTV, unha canle de televisión por Internet que unhas veces terá forma de vídeoblogue (vblog), coa aparición de reflexións persoais, e outras, a maioría, reproducirán vídeos que son do meu interese por algunha razón. Teño que agradecerlle a Xabier Pérez a idea, despois da creación da súa canle de televisión, ContradiscursoTV.

Nace por tanto, ligada á canle de televisión, unha nova ligazón na marxe dereita deste blogue, co logo da canle, que liga cunha páxina onde está embebida a canle de televisión. Pero esa canle dispón de opcións (tales coma o salto de vídeo) que só están dispoñíbeis no modo pantalla completa que se consegue facendo clic sobre o propio vídeo en reproducción.

Abro ademais un novo enderezo de correo electrónico, iagotv@iagovarela.eu, ao que podedes dirixir as vosas suxestións sobre vídeos que pensades que deberían aparecer na IagoTV e inda non están.

Déixovos como aperitivo o vídeo de presentación da canle, mais para ver todo o que teño preparado, debedes acceder á canle de televisión mediante a ligazón que vos sinalei antes.


5 Responses so far.

  1. Luisinho says:

    O de videos de carácter intimista agardo non se refira a crear unha especie de taquilla porno.... XDDD É coña!
    Parabéns pola iniciativa, aínda que eu xa ma cheiraba...
    Sigo querendo a foto na ligazón! A ver cal escolles!

    Talogo!

  2. adriancinho says:

    Parabéns pola iniciativa! Vaslle facer a competencia Quin! xD

    Sempre á última... agardemos que o manteñas actualizado! ;)

    Aperta

  3. laurochi says:
    Este comentario ha sido eliminado por el autor.
  4. Denébola says:

    O audio e o son non van moi á par, mágoa, a gravación levou o seu!!