Expandir contido

Concertazo de Amaral

Non defraudou.

Como era de agardar, Eva Amaral e Juan Aguirre non só non defraudaron, senón que encheron o Coliseum de música e fixéronnos pasar a todos os presentes un moi bo momento.

Tivemos a sorte de, que maila chegar co tempo xustiño, nos fixemos cun estupendo posto en segunda fila, dende onde tivemos unha espectacular visión.

Comezaron cunha forte, Kamikaze, o que foi o sinxelo de presentación do seu novo disco, Gato negro - Dragón rojo. E logo continuaron con cancións deste traballo que foron intercalando con varias de Pájaros en la cabeza, que viu a luz no 2005, de Estrella de Mar, o disco que os lanzou definitivamente ao éxito, Una pequeña parte del mundo e Amaral, o seu disco debut, saído en 1998.

Tiveron detalles moi bos co público, como o tema de saír sempre que llo pedimos, o que supuxo dúas horas e cuarto de concerto. Lembraron a vez anterior que deran un concerto no Coliseum, recordando que actuaran con Los Superratones e deron a sorpresa de traer a Juan de Dios, guitarrista de Deluxe.

Déixovos con tres vídeos do concerto:

Inicio concerto: Kamikaze (parte)



Sin ti no soy nada (parte)




No sé que hacer con mi vida (completa)


One Response so far.

  1. A verdade que foi un concertazo.

    Que ben que subiras os videos á canle de youtube!!


    Bicos!!