Iago Varela Martínez

Mostrando entradas con la etiqueta ondecomer. Mostrar todas las entradas

Onde Comer: A Palma

Hoxe lembreime de que tiña o tag 'ondecomer' un tanto esquecido, así que aproveitando a saída de hoxe para xantar fóra nun novo - descoñecido por nós - sitio en Vilar de Mouros (Concello da Capela, A Coruña), chamado A Palma.

A especialidade do lugar son as carnes á pedra (solombos de tenreira, churrasco, chuletóns...), inda que tamén existen outras opcións, como carnes á pementa ou peixes. Entre os primeiros, típicas sopas, polbo á feira, polbo con gambas, zamburiñas, ameixas... E xa, nas opcións de sobremesa existen bastantes opcións caseiras, como o requeixo (típico da Capela), mousse de chocolate (a elixir, negro ou branco), tortas varias, flans...

Hoxe por exemplo escollimos unha de zamburiñas e unha de polbo con gambas para compartir, e logo solombos de tenreira á pedra. Todo exquisito. Os sobremesas foron variados. Eu collín o mousse de chocolate negro, os meus pais unhas cañas recheas de crema e torta de dous chocolates. Todos moi saborosos tamén.

En definitiva, un sitio recomendábel e pretiño da casa.

Restaurante A Palma
Vilar de Mouros, 6. A Capela, A Coruña
Teléfono: 981.459.552

Ver Restaurantes nun mapa máis grande

Onde Comer: A Cofradía de Rinlo

Hai algún tempo decidín crear unha nova etiqueta para marcar algunhas entradas do blogue, ondecomer. Con ela pretendía ir recomendando algúns lugares con algún interese gastronómico, ben fose por unha cousa ou outra.

Mais o certo é que non lle dei moito uso. Non por non querer senón máis ben porque ao regreso non me coincidía ter algo de tempo para adicarllo ao blogue e logo, co paso do tempo xa non me lembraba.

Hoxe, froito dunha conversa na casa, lembrei un sitio que visitamos a finais do 2007, A Confradía de Rinlo.

Hei de dicir que o descubrimento foi casual. Apareceu nun dos episodios do programa Galicia, cruce de miradas, que dirixían Antón Reixa e Antonio Segade. E foi destes sitios que dis: teño que ir!

Rinlo, pertencente ao Concello de Ribadeo, ten as súas orixes hai máis de 500 anos como porto baleeiro. Esta tradición maniféstase tamén en ter a segunda confradía de pescadores máis antiga do Estado Español.

Este porto é coñecido por ser o lugar, din, no que se crían as mellores langostas, bovagantes e centolas de toda a costa cantábrica, debido a que as rochas contan con centos de convas e recovecos formados polas fortes ondas que baten a costa.

A carta de A Cofradía de Rinlo está asolagada de manxares típicos do mar (bogavante, boi, nécoras, navallas, bacallau, bonito, pescada...). Mais se algo fai ter sona ao lugar é o seu arroz caldoso de marisco, cuxo prezo (29 euros para dúas persoas) non é para nada excesivo, e inda menos ao comprobar o delicioso que resulta. Iso sí, se queremos probalo é preciso indicalo no momento de facer a reserva. De feito eu recomendaría que inda que non se fose a comer o arroz caldoso se fixese reserva, pois o local non é excesivamente grande.

E xa de estar pola zona, cómpre visitar a vila de Ribadeo e a famosa Praia das Catedrais. Imos... que queda un día completo e agradábel ;)

A Cofradía de Rinlo
Web: http://www.cofradiaderinlo.com
Teléfono: 982.123.007

Ver A Cofradía de Rinlo nun mapa máis grande

2º outono gastronómico

Maila a boa pinta que me tivo, o ano pasado non fun quen de disfrutar dalgunha das opcións que ofreceu o Outono Gastronómico, organizado pola Dirección Xeral de Turismo, dependente da Consellaría de Innovación e Industria.

E este ano, xa se presentou unha nova edicción deste evento, que terá lugar entre o 15 de setembro e o 15 de decembro (só válido os venres, sábados e domingos), e no que participan máis de 70 casas de turismo rural repartidas por toda Galiza.

En cada casa, ofrecerase un menú diferente, exclusivamente concibido para a ocasión. A oferta do Menú Outono Gastronómico inclúe os entrantes, primeiros e segundos pratos, sobremesas, cafés ou infusións, viños ou outras bebidas por un prezo globar de 25 €/persoa, xa incluído o ive.

Pero, ademaisdo menú, pódese obtar polo Paquete Outono Gastronómico que, a parte de permitir disfrutar do menú, inclúe percnoctación na casa de turismo rural elixida, incluíndo os almorzos do día seguinte.

O paquete para dúas persoas inclúe: 2 "menús outono gastronómico"+ 1 noite en cuarto dobre na casa de turismo rural elixida + 2 almorzos: 100 € / 2 persoas (ive incluído).

O paquete para unha persoa inclúe: 1 "menú outono gastronómico" + 1 noite en cuarto individual na casa de turismo rural elixida + 1 almorzo: 60 €/ 1 persoa (ive incluído).

Dende a organización do Outono Gastronómico aportan o valor engadido de coñecer os Pazos de Galiza, a historia das Casas Grandes e das Casas Reitoriais, a exquisita atención das Casas de Aldea, a tranquilidade das Casas de Labranza...

Para ver os menús, vai aquí

Onde comer: Mesón Mateo

Onte cando regresaba a casa tras unha cea cuns amigos, decidín engadir un novo contido no blogue: recomendacións de sitios onde comer.

Como non vou crear outro blogue diferenciado, pois non facer actualizacións neste eido moi a miúdo, entendín que o mellor é empregar todo o que nos ofrecen as etiquetas. Así que cada entrada deste novo espazo levará unha etiqueta asociada co nome "ondecomer".

Agardo que esta nova temática sexa do voso agrado, e anímovos a participar activamente dela.

Mesón Mateo

O noso destino de onte foi Ferrol. Nun principio íamos coa intención de cear na República, mais resultou que debían estar de vacacións, porque estaba pechado. Así que, propuxeron ir a un lugar até o de agora descoñecido para min: Mesón Mateo.

É o típico mesón con poucas mesas e onde se comen as cousas típicas destes sitios, pero teño que dicir que moi ben preparadas.

No seu menú, destaca o raxo, os chipiróns fritidos, o marraxo á prancha, as croquetas caseiras e as tortillas de pataca (soa ou a combinar con chourizo, grelos ou cebola) recén feitas e deliciosas.

As racións resultan bastante abundantes e o prezo ben axustado. Onte éramos cinco, pedimos unha de croquetas, unha de chipiróns fritidos, media tortilla de pataca e chourizo e unha de raxo, a compañados con 3 cocacolas e dúas claras de limón e pagamos menos de sete euros cada un... e fartiños que quedamos!

Está situado na Rúa Nova de Caranza 106 (Ferrol), o teléfono de contacto é 981.324.946 e a páxina web www.mesonmateo.com